За земјоделецот
Во срцето на стариот дел на Охрид, со поглед кон езерото, се наоѓа мојата мала фарма за микробилки. Секое семе го одгледувам во контролирани услови, без пестициди, со многу внимание и трпение, за да стигне до вас свежо, вкусно и полно со хранливи материи. Освен свежи микробилки, создавам и производи кои ја носат истата идеја – природна, локална и одржлива храна. Остатоците од производството ги компостирам и од нив одгледувам јадливо цвеќе, затоа што верувам дека ништо не треба да се фрли кога природата може повторно да го претвори во живот. Моја цел е да покажам дека и малата фарма може да создаде голема вредност – за здравјето, за локалната заедница и за животната средина. Добредојдовте во светот на Sanja's Microgreens, каде секој лист е одгледан со љубов, знаење и почит кон природата.
